Opozita ka dal kundër projektligjit që pritet të diskutohet sot në Kuvendin e Kosovës.
Projektligji për masat e përkohshme të produkteve themelore në raste të veçanta të destabilizimit në treg, sipas opozitës, shkel Kushtetutën e vendit.
Kështu ka thënë ditë më parë Shefi i Grupit Parlamentar të PDK-së, Abelard Tahiri.
“Po flasim për një projekt ligj i cili i jep mundësi Qeverisë të ndërhyj në treg, në përcaktimin e çmimeve të disa produkteve, mendoj që këtu kemi të bëjmë me një Projektligj i cili nuk është bë një analizë qysh duhet, nuk është bërë një analizë e mirë, një Projektligj që bien në ndesh me kushtetutën e Republikës së Kosovës”, tha ai.
“Të dyjat janë Projektligje jashtëzakonisht të rëndësishme në anën tjetër përmbajnë problematika të jashtëzakonisht të mëdhaja”, shtoi ai.
Kritika ndaj këtij projektligji ka pasur edhe AAK-ja, shkruan Zeri.info.
Shefi i Grupit Parlamentar të AAK-së, Besnik Tahiri ka thënë se Qeveria Kurti do të jetë më e dobëta në histori në raport me investimet kapitale. /Zëri