Nga pasditja e ditës së djeshme, shumë qytetarë, klientë të “NLB bankës”, janë kthyer pa para në secilin bankomat që kanë provuar të marrin nga llogaritë e tyre në Prizren.
Planet që kishin edhe mund të iu kishin dështuar, duke e ditur se jemi në fundvit dhe fundjava është dita që secili nga ne planifikojmë të furnizohemi me gjëra të nevojshme për konsum apo diçka tjetër.
Një qytetar ka dërguar fotografi dhe xhirime, nga momenti kur tentoi për dy ditë rresht të tërheq para në tri pika aq sa ka në Prizren, “NLB banka”, por bankomati ia refuzoi, duke e njoftuar klientin se “Ju kërkojmë falje, përkohësisht nuk është e mundur tërheqja e parave”.
