Kompania “Eko Regjioni”, përmes njësisë operative në Dragash, ka nisur pastrimin e hapësirave përreth deponisë së mbeturinave, të cilat ishin mbuluar nga qeset e plastikës, si brenda ashtu edhe jashtë zonës së deponisë.
Përmes një njoftimi në faqen zyrtare, kompania ka bërë të ditur se pastrimi ka nisur gjatë ditës së djeshme, duke theksuar se, pavarësisht problemeve që mund të shfaqen, ato duhet të trajtohen dhe zgjidhen me përkushtim.





