Një person ka vdekur nga COVID-19 në Kosovë në dy javët e fundit (nga 30 gushti deri më 12 shtator), ndërsa janë raportuar edhe 67 raste pozitive me COVID.
Sipas Institutit të Shëndetit Publik (IKSHPK) 25 raste të reja janë në Prishtinë, tetë në Pejë, shtatë në Gjakovë.
“Përkundër rasteve të shënuara së fundi, situata epidemiologjike në Republikën e Kosovës me COVID-19 mbetet e qetë, ndërsa qytetarët që manifestojnë shenja të infeksionit këshillohen të testohen dhe konsultohen me mjekun për çdo dyshim në COVID-19”, thuhet nga IKSHPK./KOHA/
