Kompania farmaceutike, Moderna njoftoi të hënën se i ka kërkuar vëzhguesit evropian të miratojë përdorimin e vaksinës së saj COVID-19 për adoleshentët.
Kompania farmaceutike amerikane tha se provat e fazës 2/3 që përfshinë gati 2.500 adoleshentë zbuluan se efikasiteti i vaksinës ishte 100%.
“Ne jemi të inkurajuar që vaksina Moderna COVID-19 ishte shumë e efektshme në parandalimin e infeksionit COVID-19 dhe SARS-CoV-2 tek adoleshentët”, tha Stephane Bancel.
Moderna ka paraqitur një kërkesë të ngjashme tek autoritetet kanadeze dhe do të kërkojë gjithashtu miratimin nga Administrata e Barnave dhe Ushqimit e Shteteve të Bashkuara si dhe agjencitë rregullatore në të gjithë botën për këtë popullatë të rëndësishme të moshës më të re.
Deri më tani Agjencia Evropiane e Barnave ka miratuar katër vaksina për përdorim te njerëzit e moshës mbi 16-vjeç në të gjithë Bashkimin Evropian, të cilat janë: Pfizer/ BioNtech, AstraZeneca/Universiteti i Oksfordit, Moderna dhe Johnson & Johnson.
Injektimi me Pfizer u miratua gjithashtu në 28 maj për përdorim për moshat 12-15 vjeç.
Vaksinimi për adoleshentët mbi moshën 12-vjeç ka filluar tashmë në SHBA.
Ndërkohë, qeveria franceze ka njoftuar se vaksinimi për grupmoshën 12-18-vjeç do të hapet në 15 qershor mbi një bazë vullnetare dhe me miratimin e prindit.
Klikoni KËTU për tu bërë pjesë e kanalit të TV Prizreni në Youtube.
