Ministri i Mjedisit dhe Infrastrukturës, Liburn Aliu ka njoftuar për punimet që po bëhen në disa diga në lokacione të ndryshme në Kosovë.
Ndër të tjera, Aliu ka njoftuar se do të ndërtohen pesë diga të reja në qytete të ndryshme të Kosovës.
“Drejt finalizimit të sistemeve të monitorimit për pesë Digat Ekzistuese në Ujman, Radoniq, Batllavë, Badovc dhe Përlepnicë, si dhe realizimit të pesë Digave të Reja në Firajë, Kamenicë, Kuqicë, Dragaqinë dhe Pollatë
Deri më tani kemi kompletuar sistemet e monitorimit gjeodezik, hidraulik, gjeologjik, sizmik dhe hidrometeorologjik, si dhe po vendosim sistemet automatike të alarmeve në Ujman, Radoniq, Batllavë, Badovc, Përlepnicë dhe Livoç. Gjithashtu, shumë shpejtë do e themelojmë Komitetin Shtetëror për Diga.
Si Ministri e kemi prioritet që të kemi një model të duhur mjedisor, që të balacojmë ndikimet mjedisore dhe sociale duke marrë masa lehtësuese për rehabilitimin dhe mbrojtjen e habitateve, por edhe duke ruajtur zonat me vlera të larta konservuese.
Përveç furnizimit me ujë të pijshëm, synimi është që digat e reja të jenë për destinime multifunksionale si për sistemin e ujitjes së tokave bujqësore, menaxhimin e përmbytjeve, si dhe prodhimin e hidroenergjisë në Digat ku ka potencial të tillë” shkruan ministri në njoftim.