Ministri i Mbrojtjes, Ejup Maqedonci, të enjten u takua me shefin e Misionit të Bashkimit Evropian për Sundimin e Ligjit në Kosovë (EULEX), Antero Lopes, me të cilin njofton se diskutuan për bashkëpunimin ndërmjet institucioneve të Republikës së Kosovës dhe EULEX-it për të forcuar sundimin e ligjit dhe të sigurisë.
Siç bëhet e ditur në njoftim, gjatë takimit, u theksua rëndësia e bashkëpunimit të vazhdueshëm me partnerët ndërkombëtarë, si dhe përkushtimi për fuqizimin e institucioneve, garantimi i sigurisë për të gjithë qytetarët dhe mbrojtja e të drejtave dhe lirive themelore.





