Kryeministri i Kosovës, Albin Kurti do të takohet sot me përfaqësuesin amerikan për Ballkanin, Gabriel Escobar si dhe emisarin e BE-së për dialogun, Miroslav Lajçak.
Takimi trepalësh vjen pas ngjarjeve dhe tensioneve në veri.
I njëjti, siç ka bërë me dije Qeveria në komunikatën e saj, do të mbahet me fillim prej orës 20:00.
“Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák dhe Zëvendës Ndihmës Sekretarin e Shteteve të Bashkuara për Çështje Evropiane dhe Euroaziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar. Mediat mund të marrin pamje në oborrin e ndërtesës së Qeverisë. VENDI: Ndërtesa e Qeverisë. KOHA: 20:00”, bën me dije Qeveria e Kosovës.
