Kryeministri në detyrë i vendit, Albin Kurti, ka deklaruar se me deputetët e komuniteteve ka biseduar që t’i evitojnë zgjedhjet e reja, pas marrëveshjes që LVV arriti me LDK-në për Bekim Sejdiun kandidat për president.
Kurti i takoi deputetët Emilija Rexhepi, Fikrim Damka, Elbert Krasniqi dhe Nenad Rashiq sot, më 02.09.2026, pas takimi që zhvilloi me Lumir Abdixhikun e LDK-së.
“Ky takim me grupin multi-etnik është aranzhuar më herët. I njoftova për bisedimet që kam pasur, për marrëveshjen politike që kemi bërë me LDK-në për emrin e përveçëm të presidentit, për profesor Bekim Sejdiun. Ata ndajnë keqardhjen me të gjithë neve që kjo nuk po mund të realizohet për shkak se 6 deputetë nga LDK-ja nuk e respektojnë këtë marrëveshje, ndonëse dakordimi ka qenë që të negociohet me vullnet të mirë.” – ka thënë Kurti.
