Kurti pas helmimeve në Deçan: Qeveria do t’u përgjigjet nevojave të qytetarëve të prekur nga infeksioni

Pas kritikave të forta në drejtim të Qeverisë dhe kryeministrit Kurti rreth situatës në Deçan, ka ardhur reagimi i Kurtit.Kryeministri Kurti ka thënë se edhe pse është në vizitë zyrtare jashtë vendit është në kontakt me institucionet relevante për sa i përket gjendjes së shkaktuar.“Bashkëndjej brengën dhe shqetësimin tuaj dhe ju dëshiroj shërim sa më të shpejtë” shkruan Kurti në Facebook raporton Gazeta Blic.

Reagimi i plotë:Të dashur qytetarë të Komunës së Deçanit,
Në pamundësi për të qenë pranë jush, meqë jam në vizitë zyrtare jashtë vendit, kam komunikim të vazhdueshëm me institucionet përgjegjëse.

Në bisedë me Kryetarin e Komunës, z.Bashkim Ramosaj, jam njoftuar për gjendjen emergjente në Komunën e Deçanit.
Për të konkretizuar mbështetjen e Qeverisë dhe për t’u njoftuar nga afër me situatën, sot në Deçan janë Zëvendëskryeministrja znj.Donika Gërvalla dhe Ministri i Shëndetësisë, z.Arben Vitia.Qeveria e Republikës së Kosovës, do t’u përgjigjet nevojave të qytetarëve të prekur nga infeksioni, deri në përmirësimin e gjendjes.Bashkëndjej brengën dhe shqetësimin tuaj dhe ju dëshiroj shërim sa më të shpejtë.