Kryetari i komunës së Prizrenit, Shaqir Totaj, ka pritur sot në takim përfaqësuesit e Shoqatës Rinia Contact nga Gjakova dhe të SHK Agimi.

Me këtë rast midis dy palëve është nënshkruar dhe Marrëveshje Bashkëpunimi, që siç njofton kryetari Totaj, qëllim ka zhvillimin e marrëdhënieve kulturore, artistike dhe njerëzore.

“Mbështetja e vlerave kulturore dhe artistike ka qenë e vazhdueshme dhe e padiskutueshme, ndërsa këto bashkëpunime na gëzojnë pasi zgjerojnë mundësitë për shkëmbime kulturash dhe lidhje më të thella njerëzore”, thuhet tutje në postimin nga kryetari Totaj, në rrjetin social Facebook.