Ministri i Tregtisë dhe Industrisë, Vesel Krasniqi, e ka nisur ditën e sotme duke vizituar biznese të ndryshme në Malishevë, të cilave iu ka ofruar përkrahjen e tij si ministër dhe të Qeverisë së Kosovës për t’i përkrahur ato në këtë kohë të vështirë pandemie.Fillimisht ai ka vizituar një kompani që merret me prodhimin e maskave në Malisheve. Nga aty ai ofroi përkrahje për të gjitha bizneset për tejkalim të krizës që ka shkaktuar pandemia COVID-19.
Krasniqi tha se tashmë edhe me Ligjin për Rimëkëmbje do kenë më shumë mundësi t’u dalin në ndihmë bizneseve prodhuese në vend.
“I inkuarojë që biznesin e tyre dhe kapacitetet e tyre t’i rrisin edhe më tepër. Tashmë si qeveri kemi miratuar Ligjin për Rimëkëmbje Ekonomike, ligj i cili parasheh që t’i mbështesë mbi 80 përqind të bizneseve që janë atakuar më së shumti, sigurisht do kenë mundësi të përfitojnë. Ne si MTI përveç kësaj gjatë këtij viti kemi ndarë edhe grante me makineri, me pajisje teknologjike në certifikata të standardeve ISO, dhe po ashtu në planin e vitit 2021, kemi rrit buxhetin dhe që përmes Ligjit për Rimëkëmbje, diku rreth 10.4 milionë euro do ndahen për bizneset kosovare”, tha ai.Prej aty ai ka vizituar edhe kompaninë tjetër prodhuese “Lirimi” dhe marketin ushqimorë “Pajtimi” për të parë funksionimin e tyre në këtë kohë.
