Komisioni Qendror i Zgjedhjeve (KQZ) ka njoftuar se vazhdon periudha për regjistrimin e votuesve me nevoja të veçanta, të cilët nuk mund të shkojnë në vendvotim në ditën e zgjedhjeve, shkruan Insajderi.
Procesi i regjistrimit ka filluar më 4 janar dhe do të përfundojë më 5 shkurt 2025.
- Reklama -
Për të mundësuar votimin, KQZ do të angazhojë ekipe mobile në çdo komunë të Kosovës më 9 shkurt 2025.
Me qëllim të lehtësimit të regjistrimit të këtyre votuesve, KQZ ka funksionalizuar platformën online: https://vpnv.kqz-ks.org/
Votuesit me nevoja të veçanta përfshijnë këto kategori:
- Personat me sëmundje apo aftësi të kufizuar për shkak të së cilës nuk mund të dalin nga shtëpia;
- Personat me lëvizje të kufizuar në institucione, si: spitale, shtëpi për të moshuarit dhe strehimore; dhe
- Personat në rrethana të veçanta, të cilët nuk mund të shkojnë në vendvotim për shkaqe sigurie apo janë në arrest shtëpiak.
- Reklama -