Oda e Farmacistëve të Kosovës e ka mirëpritur miratimin e Ligjit për çmimin e produkteve medicinale, pas votimit edhe në lexim të dytë.
Shkrimi i plotë:
“Zbatimi i këtij ligji përveç se do të ndikojë në ulje të çmimeve për paceintët është shumë e rëndësishme se konsiderohet si një ndër hapat e parë që do të mundësojë kthimin e profesinalizmit të farmacistëve.
Ky Ligj do të kontribuojë në shpenzime efikase edhe në sektorin publik, do të ndikojë që një pjesë e produkteve të cilat janë identifikuar nga inspektorati farmaceutik si produkte të kontrabanduara të minimizohen pasi do të minimizohet edhe nevoja për to, duke harmonizuar çmimet me rajon prej nga edhe ka qenë apo është kjo kontrabandë, do të nxisë konkurrencën profesionale, atë për të cilën farmacisti krijon kompetencën profesionale gjatë 5 viteve të edukimit të integruar në Farmaci dhe edukimit të vazhdueshëm profesional etj.
Tani si komunitet do te jemi të fokusuar në sherbimin profesional në shërbim të qytetarëve, duke hequr brengen e konkurencës së çmimeve e cila në shume raste shmangte vlerësimin profesional të farmacistit duke u fokusuar në çmimet më të lira nga pacientët.
Urime për të gjithë kolegët!