Përpara dimrit, i cili sjell rritje të shpenzimeve për ngrohje, qytetarët e komunës së Pejës dhe Prizrenit përballen me fatura të larta të energjisë elektrike, ndërsa ekspertët apelojnë për konsum racional për uljen e shpenzimeve shtëpiake dhe ruajtjen e mjedisit.
Ekonomistët dhe ekspertët sugjerojnë izolimin e shtëpive, përdorimin e duhur të pajisjeve dhe hapat e vegjël e të përditshëm si fikja e dritave, të mbështetur nga subvencionet që ndihmojnë qytetarët të kapërcejnë sfidat e energjisë.
