Komuna e Suharekës ka dhënë zyrtarisht lejen ndërtimore për ndërtimin e stadiumit të ri, i cili do të realizohet sipas standardeve të UEFA, duke shënuar një nga projektet më të rëndësishme infrastrukturore sportive në këtë komunë.
Lajmin për dhënien e lejes dhe detajet e projektit e ka bërë të ditur Drejtori për Kulturë, Rini, Sport dhe Mërgatë në Komunën e Suharekës, Visar Kuqi.
Stadiumi i ri pritet të ketë kapacitet prej 6,518 ulësesh të mbuluara dhe do të jetë stadium i kategorisë së dytë, duke përmbushur standardet më të larta ndërkombëtare për organizimin e ndeshjeve zyrtare dhe garave ndërkombëtare.
