Kosova ka arritur të forcojë praninë e saj në tregjet e Zvicrës, Gjermanisë dhe SHBA-ve
Referuar të dhënave të publikuara nga SHPDK, për vitin 2024, Kosova ka arritur të forcojë praninë e saj në tregjet ndërkombëtare, duke shënuar eksporte të konsiderueshme në disa shtete, transmeton albinfo.ch.
Vendet kryesore ku Kosova eksporton janë:
1. Zvicra – 45.11 milionë euro
2. Gjermania – 36.15 milionë euro
3. Shtetet e Bashkuara të Amerikës – 19.74 milionë euro
4. Shqipëria – 9.11 milionë euro
5. Italia – 7.38 milionë euro
Këto të dhëna tregojnë një rritje të qëndrueshme të eksporteve të Kosovës dhe një diversifikim të tregjeve të saj ndërkombëtare. Zvicra mbetet si partneri kryesor, e pasuar nga Gjermania dhe Shtetet e Bashkuara, ndërsa Shqipëria dhe Italia gjithashtu shënojnë vlera të rëndësishme.
Ky progres është një tregues pozitiv për zhvillimin ekonomik të Kosovës dhe ofron mundësi të mëdha për rritjen e mëtejshme të tregtisë dhe forcimin e lidhjeve ndërkombëtare në vitet që vijnë.
