Këndi Amerikan në Prizren ka bërë të ditur se me një atmosferë frymëzuese dhe energji pozitive, ka filluar edicioni i radhës i Camp Global 2026, një aktivitet i dedikuar të rinjve, me fokus në socializimin mes tyre, zhvillimin e aftësive, lidershipin, inovacionin dhe kthimin e ideve në veprim.
Në ceremoninë hapëse ishte i pranishëm edhe kryetari i Komunës së Prizrenit, Shaqir Totaj, i cili mbajti një fjalim të veçantë për pjesëmarrësit. Gjatë fjalës së tij, Totaj ndau me të rinjtë përvoja nga studimet e tij në Shtetet e Bashkuara të Amerikës, angazhimi i tij në Administratën Tatimore të Kosovës, si dhe rrugëtimi i tij në udhëheqjen e Komunës së Prizrenit.
Mesazhi i tij mbi rëndësinë e përvojës, lidershipit dhe përkushtimit shërbeu si një nisje motivuese për pjesëmarrësit e kampit.
