Komisioneri për Fqinjësi dhe Zgjerim i Bashkimit Evropian, Oliver Varhelyi, ka njoftuar se Bullgaria ka vendosur ta heqë veton ndaj Maqedonisë së Veriut. Kjo i hap rrugë Maqedonisë së Veriut dhe Shqipërisë t’i hapin negociatat për anëtarësim në BE.
“Falënderojmë liderin e opozitës Boyko Borissov për marrjen e një vendimi historik për Evropën dhe për pranimin e negociatave me Maqedoninë e Veriut bazuar në propozimin francez që lejon vazhdimin me hapjen e negociatave të anëtarësimit me Maqedoninë e Veriut. Ne presim që qeveria t’i bëjë propozimet e nevojshme Parlamentit sot në mënyrë që Evropa të mund të ecë përpara”, ka shkruar Varhelyi në Twitter.
