Një person ka humbur jetën në Prevallë të Prizrenit derisa duke shëtitur kishte rënë në humnerë.
Rasti ka ndodhur sot, ku viktima ka rënë aksidentalisht në humnerë.
- Reklama -
Lajmin për vdekjen e të riut për Telegrafin e ka konfirmuar zëdhënësi i Policisë në Prizren, Shaban Osmanollaj.
“Ekipet e mjekëve e kanë konfirmuar se personi në fjalë ka ndërruar jetë”, ka deklaruar Osmanollaj.
Policia është në vendngjarje derisa është duke u punuar për identifikimin e të riut dhe zbardhjen e rrethanave të rastit.
Jo zyrtarisht Telegrafi mëson se i riu i aksidentuar është nga Komuna e Kaçanikut.
- Reklama -