Hovenier në 24 vjetorin e masakrës së Reçakut: Askush nuk duhet ta harrojë apo mohojë këtë

Ambasadori i ShBA-së në Kosovë, Jeffrey Hovenier, në 24-vjetorin e Masakrës së Reçakut, ka përsëritur fjalimin e vitit të kaluar.

Ambasada amerikane ka shpërndarë në Facebook një pjesë të këtij fjalimi ku thuhet se askush nuk duhet ta harrojë apo mohojë atë që ndodhi në Reçak, përcjell Klankosova.tv.

“Askush mos ta harrojë apo mohojë atë që ka ndodhur këtu”. Në përgjigje të kësaj mizorie dhe të tjerash, ShBA, së bashku me aleatët e NATO-s, vepruan për të mbrojtur civilët e pambrojtur në emër të paqes, lirisë dhe stabilitetit. Këto synime pasqyrojnë vlerat e thella amerikane dhe perëndimore. Ne besojmë se të gjithë njerëzit, pa dallim etnie apo feje, e meritojnë ë jetuarit në liri dhe siguri”, është shprehur Hovenier./klankosova.tv/