Sot mbahet raundi i katërt dhe vendimtar i negociatave mes sindikatave dhe punëdhënësve të shërbimeve publike për rritjen e rrogave, përcjell albinfo.ch.

Nga suksesi i negociatave varet nëse do të arrihet ndonjë marrëveshje apo prapë mund të ketë greva në aeroporte, kopshte, shkolla, klinika e spitale…

Sindikatat kanë kërkuar rritjen e rrogave për rreth 2,5 milionë të punësuar në shërbime publike prej rreth 8 për qind dhe më shumë pushime. Punëdhënësit, federata dhe komunat, i kanë refuzuar këto kërkesa. Prandaj, në mars ato kanë angazhuar së bashku edhe ndërmjetësues.

Ndërmjetësuesit nga partitë CDU dhe SPD kanë propozuar një kompromis sipas së cilit prej datës 1 prill 2025 duhet të rriten rrogat për 3%, ose të paktën 110 Euro në muaj. Ndërsa nga 1. maj 2026 duhet të rriten edhe 2,8 për qind, e punëtorët duhet të kenë edhe orare më fleksibël pune.

Sot pritet të vendoset nëse do të ketë marrëveshje, apo prapë do të ketë një valë të re grevash.