Lyudmila Makey është gazetarja e parë nga Ukraina e cila është strehuar në Kosovë.

Pas arritjes në Kosovë, Makey është pritur me buqeta lulesh nga kryeministri i Kosovës, Albin Kurti, i cili tha se do “të mirëpriten edhe gazetarë të tjerë nga Ukraina duke pasur kushte për jetë dhe për punë”.

Ndërsa Asociacioni i Gazetarëve të Kosovës sot mban konferencë për media me fillim nga ora 12:00.

Mediave do t’u adresohet gazetarja ukrainase që ka mbërritur në Kosovë, Lyudmila Makey.

Ndryshe përveç vendosjes së sanksioneve ndaj Rusisë, e cila nisi pushtimin e Ukrainës më 24 shkurt, Kosova është shprehur e gatshme të pranojë 5,000 refugjatë ukrainas.