Janë futur kamionët e parë me ndihma humanitare në Gaza nga Egjipti.
Pikëkalimi në Rafah është mbyllur pak pasi 20 kamionët kanë kaluar në Gaza, raportoi CNN.
Pamjet nga televizionet egjiptiane kanë treguar kamionët duke lëvizur ndërkohë që janë përcjellë nga dhjetëra njerëz.
Juliette Touma, nga Agjencia për Ndihmë dhe Punë për Refugjatët Palestinezë, ka thënë se civilët në Gaza kanë nevojë për ndihma të vazhdueshme humanitare.
Ajo ka thënë se 20 kamionët me ndihma janë “një pikë në oqean” krahasuar me sasinë që nevojitet në Gaza.
Izraeli ka lejuar ujin, ushqimin dhe ilaçet, por jo edhe karburantin të dërgohet në Gaza.
