Instituti Hidrometeorologjik i Kosovës (IHMK) ka njoftuar se dita e diel, 27 shtator, do të karakterizohet nga mot kryesisht i qetë, me diell dhe vranësira të pakta deri mesatare.
Sipas parashikimit të IHMK-së, gjatë ditës nuk priten reshje shiu. Temperaturat minimale do të lëvizin nga 6 deri në 9 gradë Celsius, ndërsa temperaturat maksimale pritet të arrijnë nga 16 deri në 19 gradë Celsius.
Era do të fryjë nga drejtimi i verilindjes, me shpejtësi prej 1 deri në 6 metra për sekondë.
