Kompania kosovare Frutex është bërë pronare e kompleksit historik “Nestor Hotel” në Ludwigsburg të Gjermanisë.
Lajmin e ka bërë të ditur pronari i kompanisë Frutex, Shaqir Palushi, i cili ka njoftuar se kompleksi ikonik është ndërtuar në vitin 1874 dhe shtrihet në një sipërfaqe ndërtimore prej 13 mijë e 500 metrash katrorë, në një parcelë prej 1.35 hektarësh.
Kompleksi përfshin 179 dhoma hoteli, restorant, salla për organizimin e eventeve dhe hapësira të tjera përcjellëse.
