LAJME

Forca e Sigurisë së Kosovës merr pjesë në një trajnim ndërkombëtar në Slunj të Kroacisë

Forca e Sigurisë së Kosovës merr pjesë në një trajnim ndërkombëtar në Slunj të Kroacisë
TV Prizreni
TV Prizreni
9 Nëntor 2026, 13:29

Forca e Sigurisë së Kosovës (FSK) ka njoftuar se ishte pjesë e trajnimit ndërkombëtar “Training Based on SOP – Standards of Interventions”, i cili u realizua në Slunj të Kroacisë me pjesëmarrjen e pjesëtarëve të Togut për Intervenime nga Policia Ushtarake e Forcës së Sigurisë së Kosovës.

Sipas njoftimit të tyre, bëhet e ditur se gjatë këtij trajnimi u zhvilluan aktivitete të ndryshme praktike, me fokus në ngritjen e kapaciteteve profesionale dhe avancimin e shkathtësive në fushën e intervenimeve.

“Përmes këtyre aktiviteteve u mundësua avancimi i shkathtësive taktike, shkëmbimi i përvojave profesionale dhe forcimi i bashkëpunimit ndërkombëtar.” – thuhet në njoftim.

FSK gjithashtu bën të ditur se trajnimi u udhëhoq dhe u realizua nga instruktorë të Ushtrisë Kroate të Njësisë Kundër Terrorizmit të Policisë Ushtarake Kroate.

Tutje, sipas tyre, pjesëmarrja në trajnime të tilla dëshmon përkushtimin e FSK-së në ngritjen e vazhdueshme të profesionalizmit, gatishmërisë dhe kapaciteteve operacionale të pjesëtarëve të saj.

Kjo përmbajtje ofrohet nga Facebook. Duke e ngarkuar, pranoni që Facebook të vendosë cookies.