Temperaturat e larta kanë mbizotëruar këto ditë në Kosovë por edhe në tërë rajonin, shkruan Gazeta Blic. Kjo ka sjellë edhe fluks të lartë të pacientëve në Qendrën Klinike Universitare të KosovësMjeku kujdestar në Qendrën Emergjente në QKUK, Avdush Bajgora, tha për “Gazeta Blic” se gjendja momentalisht në këtë klinikë është alarmante.
Ai tha se ka një fluks të lartë pacientësh që kërkojnë ndihmë si pasojë e goditjeve nga dielli.“Vetë fakti se në vendin tonë po dominojnë temperatura afrikane, numri i pacientëve në Qendrën Emergjente është rritur mjaft shumë. Sidomos ata që janë me sëmundje kronike, sëmundje kardivaskulare, respiratore, gjithashtu kemi një numër të shtuar të pacientëve që paraqiten me gjakderdhje inskenike, iskemi e trurit nga goditjet e diellit, me shifra nuk mund të të tregoj. Gjendja është mjaft alarmante. Në Qendrën Emergjente jemi të obliguar t’i trajtojmë vetëm pacientët me prioritet, pacientët me politrauma, me arrest kardiak etj. Prioritet ne kemi pacientat që vijnë nga aksidentet në trafik, nga arrestet kardiake”Bajgora i’u bëri thirrje pacientëve dhe sidomos atyre me sëmundje kronike që të shmangin pikun e të nxehtit gjatë këtyre ditëve.
“Meqënëse nuk kryhet një punë aq sa duhet në periferi nga Qendra e Mjeksisë Familjare, ne jemi të detyruar të merremi edhe me pacienta që janë edhe si rast i goditjes së diellit. Ju kisha sygjeru pacientëve që prej orës 10 deri në ora 15:00 mos t’i ekspozohen temeperaturave të larta, të qëndrojnë nën hije dhe të jenë të kujdesshëm sisomos këta që kanë sëmundje kronike” tha Bajgora për “Gazeta Blic”Sot dhe ditët në vijim mbi vendin tonë pritet të mbajë mot shumë i nxehtë.Termometri pritet të shënojë deri në 38 Gradë Celcius, njofton Prishtina Weather, raporton Gazeta Blic.
