FC Liria ka njoftuar se sot do të mbahet ceremonia komemorative për të ndjerin Erdogan Celina, nga ora 14:30, në Shtëpinë e Kulturës.
Sipas njoftimit, varrimi i të ndjerit do të bëhet në ora 16:30, në Varrezat e Reja në Landovicë.
FC Liria ka ftuar familjarët, miqtë, bashkëpunëtorët, ish-bashkëlojtarët, sportdashësit dhe të gjithë ata që e njohën dhe respektuan Erdogan Celinën, të marrin pjesë në ceremoninë komemorative dhe në përcjelljen e tij për në banesën e fundit.
Erdogan Celina, një prej figurave më të njohura dhe më të respektuara të futbollit kosovar, pjesëtar i gjeneratës së artë që la gjurmë të thella në historinë e këtij sporti, ka ndërruar jetë pas një sëmundjeje të shkurtër.
Lajmin për ndarjen e tij nga jeta e ka bërë të ditur presidenti i Federatës së Futbollit të Kosovës, Agim Ademi, i cili përmes një mesazhi ngushëllimi e përshkroi Celinën si futbollist ikonë, lider dhe personalitet të jashtëzakonshëm.
Klikoni KËTU për tu bërë pjesë e kanalit të TV Prizreni në Youtube.
