FC Kosova, ekip i bashkatdhetarëve tanë në Slloveni, ka zënë vendin e dytë në turneun tradicional të futbollit të vogël “Turneu i Lirisë 2026”, i mbajtur të dielën, më 14 qershor, në Kranj të Sllovenisë.
Turneu u organizua nga Ambasada e Republikës së Kosovës në Lubjanë në nder të Ditës së Çlirimit të Republikës së Kosovës. Sipas ambasadës, aktiviteti nisi në orën 08:30 dhe mblodhi 16 ekipe pjesëmarrëse, duke krijuar një atmosferë sportive, miqësore dhe festive.
Në konkurrencën e fortë mes ekipeve pjesëmarrëse, FC Kosova arriti të sigurojë vendin e dytë, falë paraqitjeve të mira, disiplinës dhe frymës së lartë sportive të treguar gjatë gjithë turneut.
