Presidenti turk, Rexhep Tajip Erdogan do të prezantojë një plan paqeje për Ukrainën në samitin e G20-s, sipas raporteve të Bloomberg.

Plani i presidentit turk thuhet se përbëhet nga këto pika: ngrirja e vijës së frontit ashtu siç është; Ukraina pranon të mos anëtarësohet në NATO për të paktën dhjetë vjet; furnizimi i Ukrainës me armë për të siguruar mbrojtjen e saj; dhe vendosja e paqeruajtësve ndërkombëtarë në një zonë neutrale të demilitarizuar në Donbas.

Më herët, zëdhënësi i Kremlinit, Dmitry Peskov ka hedhur poshtë raportet se Erdogani po sugjeronte një ngrirje të situatës aktuale taktike si një kusht që do të ishte “i papranueshëm” për Federatën Ruse.