Drejtoria e Bujqësisë dhe Zhvillimit Rural në komunën e Prizrenit, ka bërë të ditur se edhe këtë vit në bazë të aktvendimit të Gjykatës Themelore në Prizren dhe në bazë të vendimit të Drejtoratit Qendror të Inspeksionit për Pylltari dhe Gjueti, ndalohet zhvillimi i çfarëdo aktiviteti të gjuetisë për sezonin e 2023/2024 në Komunën e Prizrenit.
Në anën tjetër gjuetarët nga Komuna e Prizrenit janë ankuar se prej shumë vitesh nuk hapet sezoni i gjuetisë për shkak të mos themelit të vendgjuetive e mos dhënies në menaxhim të tyre. Për këtë shkak edhe kanë protestuar, duke kërkuar zgjidhje për këtë çështje.
Gjuetia në zona të mbrojtura është e ndaluar. Por në të shkuarën ka pasur raste kur ligji është shkelur dhe kanë pësuar kafshët e egra.
Zonat malore ku ndër vite është hasur gjuetia ilegale janë: Shutmani, Oshlaku, Koxha Ballkani, Liqeni i Jazhincës, Bistra dhe Koritinku./tvprizreni.net/