“E zuri gjumi në Kuvend?” – reagon Adriana Matoshi

Kuvendi i Kosovës ka mbajtur sot seancë plenare, e cila ishte vazhdim i seancës së djeshme.Teksa shumë prej deputetëve u treguan aktivë me diskutime, për një deputete u raportua se ka fjetur gjatë seancës.
Bëhet fjalë për Adriana Matoshin, deputete nga radhët e Lëvizjes Vetëvendosje, të cilës iu publikua një foto në media, duke u aluduar se e ka zënë gjumi gjatë seancës.

Lidhur me këto raportime ka reaguar edhe vetë Matoshi. Ajo ka akuzuar kolegët e opozitës për foton, derisa ka thënë se më shumë po merren me të sesa me problemet e vendit.Ndërkohë, në një postim tjetër, ajo këtë foto e ka përshkruar me fjalët: Kur opozita fole e ti e nin zemrën tu u ngushtu e krytë tu të dhimtë.