Nëse nuk e hani pjatën e tërë, ky restorant në Zvicër ju gjobit.

Restoranti indian “Casanova”, në qytetin e Badenit, ngarkon një gjobë prej pesë frangash – përveç faturës – për klientët që lënë ushqim në pjatën e tyre, përcjell albinfo.ch.

Pronari Salman Ghauri u rrit në Indi, ku një pjesë e madhe e popullsisë nuk ka mjaftueshëm për të ngrënë, “kështu që ne nuk e hedhim ushqimin”.

Në restorantin e tij ai shërben një racion, ku mund të hani gjithçka për 20 franga, por disa njerëz grumbullojnë më shumë ushqim në pjatat e tyre sesa mund të konsumojnë dhe ushqimi i pangrënë përfundon në plehra.

Kjo është arsyeja pse Ghauri vendosi të ndëshkojë një “gjobë” për këdo që nuk e përfundon ushqimin – një koncept që ai thotë se shumica e klientëve të tij e mbështesin.