Bashkëatdhetarja e re nga Suhareka, e cila jeton dhe vepron në Gjermani, është emëruar këshilltare komunale në Esslingen. Gjithashtu Majlinda do të jetë edhe nënkryetare e dytë e grupit të partisë së saj SPD, si dhe anëtare e komisionit për arsimin dhe kujdesin për fëmijët. Një shkrim të mirëpritjes së saj në këtë këshill ia ka publikuar edhe faqja e komunës gjermane në të cilin thuhet:
“Mirë se vjen, Majlinda!
Pas largimit të Nick Fink nga Këshilli Bashkiak i Esslingen-it, Majlinda Hasanaj merr vendin e tij në grupin e këshilltarëve të SPD-së! Majlinda merr përsipër detyrën e këshilltares bashkiake dhe do të shërbejë gjithashtu si Nënkryetare e dytë e grupit, si dhe anëtare e Komisionit për Arsimin dhe Kujdesin për Fëmijët (ABEB).
