Dogana e Kosovës, në bashkëpunim me Policinë e Kosovës, ka parandaluar një rast të dyshuar të kontrabandimit të substancave narkotike në Pikën e Kalimit Kufitar në Vërmicë.
Sipas njoftimit të Doganës, rasti është zbuluar më 9 shtator 2026, gjatë kontrollit të një autobusi me udhëtarë që po hynte në territorin e Kosovës. Zyrtarët doganorë kanë ndaluar autobusin për kontroll fizik të automjetit dhe bagazheve.
Gjatë intervistimit, njëri prej udhëtarëve nuk ka deklaruar se kishte mallra apo sende për të deklaruar. Megjithatë, gjatë kontrollit të çantës së tij të krahut, zyrtarët kanë gjetur një qese plastike me një substancë të dyshuar narkotike.
