Temperaturat e buta, si pranvera, që mbizotëruan në gjithë vendin në dy javët e fundit, së shpejti do të zëvendësohen nga moti i ftohtë, sipas parashikimit të Zyrës Federale të Meteorologjisë dhe Klimatologjisë (MeteoSuisse).
Nga e shtuna, më 6 mars, dëbora dhe kushtet e ftohta priten përgjatë shpatit verior të Alpeve dhe në fushat në disa rajone, përcjell albinfo.ch.
Temperaturat do të shkojnë deri në minus 4 gradë celsius, kurse në fundjavën e ardhshme mund të ketë edhe reshje bore.
