Danimarka tha të hënën se do të shpenzonte 14.6 miliardë korona daneze (2.05 miliardë dollarë) për të rritur praninë e saj ushtarake në Arktik, pas interesit të ripërtërirë të presidentit amerikan Donald Trump për të kontrolluar Grenlandën, një territor gjysmë autonom danez.
Këtë muaj, Trump tha se Grenlanda është jetike për sigurinë e SHBA-së dhe Danimarka duhet të heqë dorë nga kontrolli i ishullit të rëndësishëm strategjik të Arktikut, shkruajnë mediat e huaja.
Pas më shumë se një dekade shkurtimesh drastike në shpenzimet e mbrojtjes, vitin e kaluar Danimarka ndau 190 miliardë korona daneze (26 miliardë dollarë) për ushtrinë e saj gjatë një periudhe 10-vjeçare, një pjesë e së cilës tani i është ndarë Arktikut.
Danimarka, ndonëse përgjegjëse për sigurinë dhe mbrojtjen e Grenlandës, ka “aftësi të kufizuara ushtarake” në ishullin e gjerë, i konsideruar gjerësisht si “një vrimë e zezë e sigurisë”.
Aktualisht, kapacitetet e Danimarkës përfshijnë katër anije inspektimi të vjetëruara, një aeroplan vëzhgimi Challenger dhe 12 patrulla me sajë qensh, të gjitha të ngarkuara me monitorimin e një zone katër herë më të madhe se Franca.
