Ministri në detyrë i Punëve të Jashtme i Shqipërisë Gent Cakaj, e ka pritur në takim ambasadorin e Kosovës në Shqipëri Nait Hasani.
Cakaj dhe Hasani biseduan për mbrojtjen e vlerave të luftës.
Kryediplomati shqiptar tha se kur është në pyetje Ushtria Çlirimtare e Kosovës, të dyja vendet duhet të përgjigjen si një komb.
“Kur është në pyetje Ushtria Çlirimtare e Kosovës, nuk duhet të përgjigjemi si shumë parti, as si dy shtete, por si një komb 🤝”.
Njoftimi i plotë:
Nder i veçantë takimi me Ambasadorin e Republikës së Kosovës në Shqipëri, një prej themeluesve të Ushtrisë Çlirimtare të Kosovës, z. Nait Hasani.
Biseduam për zhvillimet e fundit në Kosovë dhe rëndësinë e patjetërsueshme të përpjekjes së përbashkët në mbrojtje të vlerave të Ushtrisë Çlirimtare të Kosovës.
Kur është në pyetje Ushtria Çlirimtare e Kosovës, nuk duhet të përgjigjemi si shumë parti, as si dy shtete, por si një komb/
#kosova
#shqipëria
#uçk
#jeminjë
#liriakaemër
