Kompania bioteknologjike BioNTech do të aplikojë për miratim për vaksinën e saj kundër koronavirusit të ri (COVID-19) për fëmijët nën 12-vjeç, njoftoi kompania.“Ne do t’i paraqesim rezultatet e studimit tonë midis fëmijëve të moshës 5 deri në 11-vjeç tek rregullatorët e të gjithë botës në javët e ardhshme dhe do të aplikojmë për autorizimin e vaksinës sonë për këtë grupmoshë, gjithashtu këtu në Evropë”, tha për përjavshmen gjermane “Der Spiegel”, Özlem Türeci, bashkëthemeluese dhe shefe mjekësor i BioNTech.
Ajo tha se vaksina është e njëjtë me atë që aktualisht përdoret për grupmoshat tjera, por doza e saj do të modifikohet për grupmoshën më të re.
BioNTech kërkon miratimin e vaksinës kundër COVID-19 për fëmijët nën 12-vjeç
Gjetjet e hershme të studimeve të kryera nga firma farmaceutike gjermane treguan se një dozë më e ulët e vaksinës është e sigurt dhe efektive për grupmoshën 5-11 vjeç, dhe kompania tashmë ka filluar përgatitjet për prodhim.“Duket mirë, gjithçka po shkon sipas planit”, tha bashkëthemeluesi U?ur ?ahin. Nëse Agjencia Evropiane e Barnave e aprovon, Gjermania mund të fillojë vaksinimet për grupmoshën që në mes të tetorit, raportoi e përjavshmja
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Rubio: Serbia është e përfshirë në çështje potencialisht problematike dhe shpërthyese
Evropa shqyrton plane emergjente pas provokimeve ruse dhe paralajmërimeve për sulm të mundshëm
Rama e liron nga detyra shefen e SHISH-it, Vlora Hyseni
