Ministri i Infrastrukturës dhe Transportit, Dimal Basha, ka njoftuar se sot në Prizren vazhdon asfaltimi i rrugës që lidh Reçanin me Lubinjën e Epërme dhe Lubinjën e Poshtme, në një gjatësi prej 8.45 kilometrash.
Vlera e përgjithshme e projektit është 1.5 milionë euro, nga të cilat 1.2 milionë euro financohen nga Qeveria.
“Projekti është realizuar në bashkëpunim me komunën dhe parasheh ndërhyrje të rëndësishme infrastrukturore, duke filluar nga demolimi i shtresave ekzistuese të asfaltit dhe strukturave të dëmtuara, duke vazhduar me punët tokësore, gërmimet dhe përgatitjen e shtresave të tamponit, e deri te realizimi i shtresave të reja të betonit dhe asfaltit.” – ka shkruar Basha në Facebook.
