Avokati i Popullit në Shqipëri ka reaguar pas protestës së djeshme në Tiranë, ku si pasojë e lëndimeve gjithsej 27 persona kanë marrë trajtim në Tiranë, përfshirë punonjës të policisë, protestues, gazetarë, kalimtarë të rastit dhe një diplomat i huaj.
Ky institucion, ka nisur, sipas detyrës, një hetim administrativ mbi përdorimin e forcës nga Policia gjatë protestës së sotme.
“Vlerësimi bëhet sipas neneve 2, 3 dhe 11 të Konventës Evropiane të të Drejtave të Njeriut, për të përcaktuar nëse përdorimi i forcës ka qenë i domosdoshëm dhe proporcional”, thuhet në njoftimin e Avokatit të Popullit.
