LAJME

Arrestohet një person në Vërmicë pasi hyri ilegalisht në Kosovë

Arrestohet një person në Vërmicë pasi hyri ilegalisht në Kosovë
TV Prizreni
TV Prizreni
19 Nëntor 2026, 10:26

Një shtetas i huaj është arrestuar në Vërmicë, pasi dyshohet se kishte hyrë ilegalisht në territorin e Kosovës dhe, pavarësisht deportimit, ishte rikthyer sërish brenda pak orësh.

Fillimisht, pas intervistimit dhe me vendim të prokurorit, ai është deportuar nga territori i Kosovës rreth orës 14:30, megjithatë, në orën 17:59, i njëjti është hasur sërish brenda territorit të vendit.

Siç ka njoftuar Policia e Kosovës, me vendim të prokurorit ai më pastaj u dërgua në mbajtje.

“Raportohet se është ndaluar i dyshuari shtetas i huaj pasi që i njëjti kishte hyrë ilegalisht në territorin e Kosovës. Me vendim të prokurorit i dyshuari pas intervistimit është deportuar, nderkaq në orën 17:59 i dyshuari i njëjtë është takuar përsëri në territorin e Kosovës. I njëjti është arrestuar dhe me vendim të prokurorit është dërguar në mbajtje”, thuhet në njoftimin 24-orësh.

Klikoni KËTU për tu bërë pjesë e kanalit të TV Prizreni në Youtube.

Të tjera nga rubrika