Policia e Kosovës ka njoftuar se është arrestuar një person i dyshuar për veprën penale “Ngacmim Seksual”.
Sipas njoftimit zyrtar, Njësiti i Hetimeve të Përgjithshme, më 27 prill 2026, pas pranimit të informacioneve nga një emision hulumtues televiziv dhe në koordinim me prokurorinë, ka nisur hetimet lidhur me këtë rast.
Si rezultat i veprimeve hetimore, i dyshuari është arrestuar dje rreth orës 15:30. Me vendim të Prokurorit të Shtetit, pas përfundimit të procedurave fillestare, ai është ndaluar për 48 orë dhe është dërguar në Qendrën e Ndalimit.
Rasti mbetet në procedurë hetimore.
Klikoni KËTU për tu bërë pjesë e kanalit të TV Prizreni në Youtube.
