Grupi i tifozëve “Arpagjik’t” kanë reaguar pas zhvillimeve të fundit në Klubin e Futbollit “Liria”. Ku së fundmi për rezultate të dobëta u shkarkua trajneri turk, Nedim Yigit.
Në regimin e gjatë ata thonë se askush nuk e paramendonte këtë gjendje ku jemi tani. Vërehej pagjakësia e lojtarëve në fushë,e rrallë herë djersitje e fanellës, fanellë kjo kaq e madhe në futbollin shqiptar.
Emblema e KF Lirisë nuk i meriton këto rezultate dhe humbja e fundit arriti kulmin, ku edhe shpërthehu heshjta jonë, thuhet më tej në reagim.
Ky është reagimi i plotë:
***REAGIM***
PSE HESHTËM?
Arpagjik’t e Prizrenit njihemi për qëndrimet besnike që kemi ndaj klubeve të para të qyetit.
Kanë kaluar më shumë se 20 vite pranë klubeve dhe të gjithë e panë që asnjëherë nuk i mbyllëm sytë kur klubeve i bëhej padrejtësi.
Nuk qëndruam asnjëherë gojë mbyllur dhe nuk do qëndrojmë asnjëherë nëse klubet rrezikohen apo dëmtohen.
Vlerat e klubeve tona i ruajmë me fanatizëm dhe nuk lejojmë asnjëherë të njollosen apo keqpërdoren.
Arpagjik’t gjatë rrugëtimit për inkuadrim në Superligë, si gjithmonë ishim pjesë e pashkëputur e KF LIRIA.
Me punë dhe sakrificë vetëm për emblemën e vjetër të klubit tonë u mobilizuam për të luftuar krah klubit, drejtë qëllimit tonë të përbashkët, hyrjen në Superligë.
Përkrahja e madhe dhe dëshira e gjithë Prizrenit për të kthyer Lirinë aty ku e ka vendin, u realizua me fitoren historike në barazh.
KF LIRIA u kthye në Superligë pas 4 vitesh, sukses i cili u festua nga i gjithë Prizreni.
Presidenti Kiçe dhe kryesia Arpagjik’t, mbajtëm një mbledhje në parasezonë ku biseduam për synimet e klubit. Në atë mbledhje na u premtua stabilizim dhe përforcim i klubit, me staf, trajner e lojtarë të dëshmuar për nivelin e Superligës, si dhe pozitë stabile në tabelë.
Askush nuk e paramendonte këtë gjendje ku jemi tani.Vërehej pagjakësia e lojtarëve në fushë,e rrallë herë djersitje e fanellës, fanellë kjo kaq e madhe në futbollin shqiptar.
Emblema e KF Lirisë nuk i meriton këto rezultate dhe humbja e fundit arriti kulmin, ku edhe shpërthehu heshjta jonë.
Të revoltuar pas humbjeve të njëpasnjëshme, performancave qesharake të disa lojtarëve amatorë që nuk e meritojnë fanellën e klubit tonë me shumë histori,
Djemt e Lidhjes treguan se nuk kanë respekt për ata që nuk e dijnë vlerën e fanellës së KF LIRIA.
Pas ndeshjes së fundit, presidenti Kiçe kërkoj një mbledhje me kryesinë e Arpagjik’t ku u diskutua për krizën e skuadrës tone, problemet e ndryshme si dhe u njoftuam për shkarkimin e ish trajnerit Nedim Yigit.
KF LIRIA, emër i vjetër në futbollin Shqipetar nuk i meriton këto rezultate dhe paraqitje pa ndjenja dhe si rrjedhojë kërkuam nga kryesia e klubit angazhim maksimal për dalje nga kjo situatë e pakëndshme për gjithë qytetin.
Profesionalizmi i presidentit Kiçe nuk na lejon të ndërhyjmë në politikat e klubit.
Prandaj po ju besojmë,
POR LLOGARI KËRKOJMË!!!