Ambasadori i ri i Gjermanisë në Kosovë, Rainer Rudolph, ka realizuar vizitën e tij të parë në Mitrovicën e Veriut, ku ka takuar përfaqësues të shoqërisë civile, kulturës dhe shtypit.
“Duke filluar me një tryezë të rrumbullakët me përfaqësues të shoqërisë civile dhe medias, Rainer Rudolph mësoi rreth sfidave politike dhe shoqërore me të cilat përballet komuniteti” – njofton Ambasada e Gjermanisë.
- Reklama -
Gjatë vizitës, ambasadori është njohur edhe me skenën kulturore të qytetit, duke vizituar Qendrën Acquarius dhe Shkollën Rock të Mitrovicës.
“Ne e mbështesim Kosovën si një shtet shumëetnik dhe mezi presim të vazhdojmë bisedën” – thekson Ambasada.
- Reklama -