Një aksident tragjik trafiku ka ndodhur sot në orët e para të mëngjesit në fshatin Pouskë të Prizrenit, ku si pasojë e vetaksidentimit, një vajzë 19-vjeçare ka humbur jetën, ndërsa dy persona të tjerë kanë mbetur të lënduar.
Sipas informatave të Policisë së Kosovës, ngjarja është raportuar rreth orës 04:19, ku automjeti me të cilin po udhëtonin viktima dhe dy të rinjtë tjerë, ka dalë nga rruga.
Njëri nga të lënduarit, një 25-vjeçar, ka pësuar lëndime të rënda trupore, ndërsa personi tjetër, 27 vjeç, ka marrë lëndime të lehta.
Në vendin e ngjarjes kanë dalë njësitet përkatëse të Policisë së Kosovës, përfshirë Njësinë e Trafikut Rajonal, Emergjencën, Zjarrfikësit, Hetuesit si dhe Prokurori kujdestar, për të ndërmarrë veprimet e nevojshme hetimore dhe procedurale.
Rasti është nën hetim.