Shkruan: Albana Jeminaj
Abuzimi dhe ushtrimi i dhunës në kohët moderne po bën bujë. Çdo ditë dëgjojmë e shikojmë raste nga më të ndryshmet, si dhuna, përdhunimi e abuzimi. Këto fenomene globale duhet ndaluar dhe duhet të merren masa të rrepta për këtë. Përmendim rastin e nënës së dëshmorit në Kosovë, i cili bëri bujë në rrjetet sociale. Këtë e përmendim si fenomen, por lind pyetja sa raste ka sy ky? Pa fund!… Mos të harrojmë të themi se ajo ishte grua, moter, nënë, gjyshe. Meritonte përkujdesjen më të madhe, respektin dhe dashuri, e, jo dhunë e përbuzje. Këto raste duhet të ndiqen me shumë vëmendje dhe duhet të trajtohen me shumë kujdes, sepse dhuna fizike shkakton disa forma dëmtimi ose lëndimi, që mund të shkaktojnë edhe vdekjen. Edhe dhuna emocionale luan një efekt në shoqëri dhe shkakton shumë dëme të ndërsjella. Prandaj në këto kushte, një rol shumë të rëndësishëm e luan edukimi, që është një faktor kryesor. Një edukim i brezave, bazuar në parime të shëndosha, prodhon njerëz me vlerë, që ne duhet ta bëjmë parim thelbësor; duhet ta shpërndajmë atë mes njëri-tjetrit dhe ta bëjmë parim bazë të veprimit.
Autorja, Albana Jeminaj, është eksperte dhe pedagoge pranë Insitutit “Akademia”
