Kryetari i Lidhjes Demokratike të Kosovës, Lumir Abdixhiku, ka reaguar pas ekzekutimit të 100 eurove për studentët sipas vendimit të Qeverisë së Kosovës në detyrë.
Përmes një postimi në Facebook, Abdixhiku ka thënë se tri ditë para balotazhit Qeveria po provon t’ua blejë të ardhmen studentëve.
“Të ardhmen që ua vodhi, në shtetin më të varfër e më të izoluar në Evropë, me arsimin ndër më të fundit në botë, provon t’ua blejë me 100 euro për votë – tre ditë para balotazhit. Një regjim i frikësuar dhe në rënie të lirë, po trajton studentët e Kosovës si material shitblerje zgjedhor. Studentët drejtojnë kohë, rrëzojnë regjime e përcaktojnë epokë. Prandaj, këta SMS ‘cringe’, para zgjedhjeve nuk blejnë as heshtjen, as shpresën. As votën”- ka shkruar ai.
I pari i LDK-së e ka quajtur kryepopullist kryeministrin në detyrë, Albin Kurtin.
“I keni nënçmuar. Do t’iu kthejnë përgjigje këtë të diel me votë. Kosova është shumë e mençur se sa po e trajton kryepopullisti sot”- thuhet në reagim.