Gjatë ditës së sotme ka ndërruar jetë avokati nga Prizreni, Vehap Hasani.
Përmes një postimi në facebook, djali i të ndjerit ka njoftuar për vdekjen e babait.
“Me pikellim te thelle ju njoftojme se sot ne ora 13.00 ne moshen 82 vjeqare ka nderruar jete Babai im Vehap Hashani. Varrimi i te ndjerit do te behet sot ne ora 16.00 ne varrezat e qytetit”, ka shkruar djali i të ndjerit.
Gjithashtu edhe Oda e Avokatëve të Kosovës ka shprehur ngushëllimet e tyre, shkruan TV Prizreni.
“Oda e Avokatëve të Kosovës, i shprehë ngushllimet më të sinqerta familjarëve, miqëve dhe kolegëve të tij. Varrimi i të ndjerit, është berë sot me datë 28.12.2020 në ora 16:00 në varrezat e qytetit në Prizren”, thuhet në njoftimin e Odës së Avokatëve të Kosovës.
Avokati, Vehap Hashani, u lind më 01.07.1938 Prizren. Fakultetin Juridik e kishte përfunduar në Universitetin e Sarajevës me datë 30.12.1961, ndërsa provimin e Jurisprudencës e kishte dhënë me datë 16.03.1966 në Beograd.
Avokati Vehap ushtroi profesionin e avokatit që nga data 13.11.1993, me seli të zyrës në Prizren./tvprizreni.net/
